We're looking for passionate team players to join our ever-evolving web journey!

Ucraft-ը կայքերի պատրաստման ինտուիտիվ հարթակ է բոլոր նրանց համար, ովքեր ցանկանում են հեշտությամբ ստեղծել բազմաֆունկցիոնալ կայք և օնլայն խանութ: Մեր օգտատերերի շարքում կան բլոգերներ, նկարիչներ, լուսանկարիչներ, օնլայն բիզնես վարող և այլ ծառայություններ տրամադրող հարյուրավոր բիզնեսներ և բրենդներ:

Ucraft-ի աշխատանքային մշակույթի հիմքում դրված են բազմազանությունը, նորարարությունը և համագործակցությունը: Մենք հավատում ենք, որ բազմամշակույթ թիմում դրական փոփոխություններն ու կայուն զարգացումն ապահովված են։ Միևնույն ժամանակ մենք տրամադրում ենք բազմաթիվ ռեսուրսներ և հնարավորություններ սովորելու, փորձ ձեռք բերելու և մասնագիտական հմտությունների զարգացման համար: Թիմային աշխատանքն ու միջանձնային հաղորդակցությունը ևս առաջնային եմ մեզ համար, և մենք Ucraft-ում անում ենք հնարավոր ամեն ինչ, որպեսզի յուրաքանչյուր աշխատակից իրեն զգա մեր մեծ ընտանիքի կարևոր անդամ՝ պարզապես հերթական անուն լինելու փոխարեն:

Ucraft-ը դարձել է բազմամշակույթ ընկերություն՝ ունենալով շուրջ 200 աշխատակից ամենատարբեր երկրներից: Մենք պատրաստ ենք թիմում ներգրավել նոր մասնագետներ և բաց ենք նոր կարծիքների ու գաղափարների համար։ Եթե դուք նույնպես հետաքրքրված եք տեխնոլոգիական զարգացումներով և պատրաստ եք մեզ հետ կյանքի կոչել նոր գաղափարներ, ապա սիրով սպասում ենք ձեզ մեր թիմում։ Մենք առաջարկում ենք համագործակցության ճկուն տարբերակներ՝ վերաբնակեցման և/կամ հեռավար աշխատանքի հնարավորություն բոլոր նրանց համար, ովքեր ցանկանում են միանալ թիմին՝ գտնվելով Հայաստանից դուրս։

Ucraft-ը սկսել է իր ուղին 2014 թվականին՝ որպես փոքր նախագիծ։ Ընդամենը մի քանի աշխատակիցներ աշխատում էին փոքրիկ գրասենյակում՝ ստեղծելով մեր հարթակի առաջին տարբերակը։ Մեր ընտրած շուկայում աճի ներուժը գիտակցելուց հետո մենք ընդլայնեցինք թիմը և սկսեցինք աշխատել հարթակի զարգացման ուղղությամբ։ Մի քանի տարի անց մենք տեղափոխվեցինք 200+ աշխատակիցների համար նախատեսված ընդարձակ գրասենյակային տարածք, ձեռք բերեցինք հարյուրավոր հավատարիմ հաճախորդների և ապահովեցինք մեր տեղը շուկայում։