Իսկ ձեզ հետ պատահե՞լ է, որ երկար ժամանակ փորձեք մտապահել որևէ միջոցառման օրն ու ժամը ու, ի վերջո, մոռանաք դրա մասին: Դա բնական է. չէ՞ որ մեր առօրյան այնքան հագեցած ու արագ է անցնում: Այժմ նշումներն ու հիշեցումները անպակաս են մեր հեռախոսի էկրանից: Երբ պետք է հիշել որևէ գործնական հանդիպման, երեկույթի կամ սիրելիների համար կարևոր միջոցառման մասին, պետք է գտնել ամենահարմար ու պարզ տարբերակը:
Վերջերս հաճախ օգտագործվող օնլայն հրավիրատոմսերը իդեալական են միջոցառումների կազմակերպման համար: Դե, հյուրերը ստանում են անհրաժեշտ բոլոր տեղեկությունները, հաստատում մասնակցությունը և երբեմն ստանում նաև հիշեցումներ: Մենք այս հոդվածում առանձնացրել ենք կարևոր քայլեր, որ կօգնեն ձեզ ստեղծել պրոֆեսիոնալ օնլայն հրավիրատոմս Ucraft-ի օգնությամբ:
Ի՞նչ առավելություններ ունի օնլայն հրավիրատոմսը
Համաձայն եք, չէ՞, որ օնլայն հրավերը հարմար է. աշխատանքից կտրվելու կարիք չկա, բոլոր տեղեկությունները հավաքված են մեկ տեղում, կարող եք տեղում պատասխանել հրավերին և ստանալ հիշեցումներ անմիջապես ձեր հեռախոսին:
Օնլայն հրավիրատոմսերը հարմար են ցանկացած բնույթի միջոցառումների համար: Անկախ նրանից՝ կազմակերպում եք ձեր հարսանիքը, թե բարեգործական երեկույթ, այն կօգնի ավելի մեծ հետաքրքրություն առաջացնել հյուրերի մոտ: Այստեղ դուք կարող եք ունենալ պարզապես մեկ էջ, որը կտա տվյալներ միջոցառման տեղի, ժամի և դրեսկոդի մասին: Ձեր հրավիրատոմս-կայքը կարող է աշխատել նաև RSVP սկզբունքով: Մի փոքր սրա մասին. հապավումը ֆրանսերենում բառացիորեն նշանակում է Արձագանքեք, խնդրեմ՝ Répondez, s'il vous plaît: Այսպիսի հրավիրատոմսերի դեպքում հարկավոր է պատասխանել հրավերին և հաստատել ներկայությունը:
Օնլայն հրավիրատոմսերը թրենդային են, բայց անհրաժեշտ է, որ դրանք լինեն գրագետ կազմված. չէ՞ որ հենց հրավիրատոմսն է ապահովում առաջին տպավորությունը: Ինչպես ցանկացած վեբկայքի դեպքում, այստեղ էլ դիզայնը առաջին կարևոր գործոններից է:
Պետք չէ ողողել էջերը տարբեր տեղեկություններով. միջոցառման թեմատիկայով դիզայնը և աչքի ընկնող ուղերձը բավական են ձեր նպատակին հասնելու համար: Որպեսզի հյուրը ցանկանա իմանալ ավելին այդ հատուկ օրվա մասին, հենց առաջին հատվածում տեղադրեք CTA կոճակ: Դե, ավելորդ է նշել, որ պետք են նաև հետադարձ կապի տվյալներ:
Հարկավոր է պահել բալանսը վիզուալ և տեքստային քոնթենթի միջև, բայց նաև հավատարիմ մնալ ձեր ոճին: Հնարավորության դեպքում օգտագործեք կազմակերպիչների կամ խոսնակների նկարները. դրանք վստահություն կներշնչեն և կօգնեն հասկանալ, թե ում կամ ինչի մասին է միջոցառումը:
Պատկերացրեք, թե որքան ժամանակ է պահանջում դասական հրավիրատոմսերի պատրաստումը. պետք է գտնել դիզայներ, որ կօգնի ստանալ ձեր ցանկացած դիզայնը, տպագրել, տանել և հանձնել հյուրերին: Իսկ ընթացքում առաջացող հարցերն ավելի լավ է շրջանցենք:
Ամեն ինչ ավելի պարզ է օնլայն հրավիրատոմսի դեպքում: Ավելին, դուք խնայում եք ոչ միայն ձեր ժամանակը, այլ նաև գումարը: Կախված աշխատանքի բարդությունից՝ հրավիրատոմսը կարող եք ստեղծել մենակ կամ դիզայների օգնությամբ: Հենց Ucraft-ում կարող եք գտնել պատրաստի նմուշներ տարբեր միջոցառումների համար: Դրանք հնարավոր է հեշտությամբ փոփոխել, ավելացնել ձեր տվյալները, նկարները, հոլովակները և խմբագրել մի քանի անհրաժեշտ էլեմենտ: Այսպիսի հրավիրատոմսը հնարավոր չէ կորցնել: Այն միշտ հասանելի է նույն հասցեում:
Բացի իր հիմնական նպատակից, օնլայն հրավերը կարող է օգտագործվել մարքեթինգային արշավների, տվյալների վերլուծության և նոր հաճախորդների ներգրավման (lead generation) համար: Այս դեպքում ամենակարևոր գործոնը, կարծում ենք, վերլուծական ինտեգրացիաներն են: Դրանք թույլ են տալիս հասկանալ կայքի կոնվերսիան, օգնել վերաթիրախավորման և գովազդի հարցում: Իսկ եթե ձեր միջոցառման համար անհրաժեշտ է վաճառել տոմսեր, ապա կարիք կլինի ավելացնել վճարման հնարավորություն: Խորհուրդ կտանք նաև ունենալ մեկնաբանություններ թողնելու հնարավորություն և Հաճախ տրվող հարցերի (FAQ) հատված, որտեղ հնարավոր կլինի գտնել տարբեր մանրամասներ:
Կարևոր էլեմենտներ, որոնք պետք է ներառել օնլայն հրավիրատոմսում
Ձեզ, իհարկե, պետք կգա արագ ու պարզ հարթակ, որտեղ հեշտությամբ կկարողանաք ստանալ ձեր ցանկացած արդյունքը: Ucraft-ում հնարավոր է հաշված րոպեների ընթացքում ստեղծել հրավիրատոմս-կայք պատրաստի նմուշների օգնությամբ: Կան մի քանի գործիքներ, որոնք կարևոր են պրոֆեսիոնալ օնլայն հրավերի համար:
Հետհաշվարկ
Countdown էլեմենտն ունի ավելի հոգեբանական ազդեցություն: Երբ հաճախորդը տեսնում է ժամանակի սափմանափակում, ավելի հավանական է, որ նա կփորձի հնարավորինս արագ գրանցվել: Եթե ձեզ հաջողվել է ստանալ գրավիչ կայք, որը հետաքրքրել է մարդկանց, ապա նրանք կփորձեն վստահ իմանալ, որ իրենց տեղն ամրագրված է: Նման էլեմենտները դրդում են արագ գործողությունների և բարձրացնում են ներգրավվածության հավանականությունը: Ակտիվ մասնակցությունը հենց այն է, ինչ ձեզ հաստատ պետք կգա միջոցառման ժամանակ: Ավելացրեք Ucraft-ի ձեր կայքում Հետհաշվարկ էլեմենտը և խմբագրեք ամսաթիվը: Մի քանի րոպե և այն պատրաստ է:
Քարտեզ
Քարտեզը կարևոր պայման է, քանի որ օգնում է միանգամից պատկերացնել ու գտնել միջոցառման վայրը: Համաձայն եք, չէ՞, որ փոքրիկ, բայց շատ կարևոր հոգատարություն է հյուրերի նկատմամբ: Եթե նույնիսկ միջոցառման վայրը այնքան էլ հեշտ չէ գտնել, դուք կարող եք մանրամասն բացատրել տեղանքը ձեր հյուրերին: Այսպիսի մանրուքները խոսում են միջոցառման կազմակերպման մասին: Ի դեպ, սա կարևոր է ոչ միայն գործնական, այլ նաև անձնական միջոցառումների ժամանակ:
Հաստատ դուք էլ հիշել մի դեպք, երբ չէիք կարողանում գտնել, թե ուր է պետք գնալ, դեռ ինչքան է պետք քայլել: Քարտեզը կօգնի խուսափել այսպիսի դեպքերից ու չփչացնել հյուրերի տրամադրությունը դեռ միջոցառումը չսկսած:
Ֆորմեր
Տվյալները լրացնելու կամ բաժանորդագրվելու ֆորմերը ևս կարևոր գործիքներից են, որ կապահովեն հետագա կապը ձեր և այցելուի միջև: Սա իդեալական միջոց է հետադարձ կապի, բաժանորդագրման և այլ դեպքերում: Օնլայն հրավերի դեպքում ցանկալի է, որ ունենաք մեկից ավելի ֆորմ, որոնք կարող են կատարել նույն կամ տարբեր գործառույթներ: Պահեք մեկ դաշտ բաժանորդագրման համար և ստեղծեք ձեր հետևորդների բանակը: Իսկ տարբեր հատվածներում գրանցման կամ RSVP դաշտերը կպարզեցնեն հյուրերի գործը: Այս բոլոր դեպքերի համար ավելացրեք կայքում Ucraft-ի Ֆորմ և Բաժանորդագրություն էլեմենտները և պարզապես խմբագրեք դրանք:
Սոցցանցերի հղումներ
Սա այն դեպքն է, երբ սոցցանցերի հղումները պարտադիր են: Դրանք ոչ միայն մշտական կապ են ապահովում նոր այցելուի հետ, այլ նաև մեծացնում են վստահությունը ձեր և միջոցառման նկատմամբ: Խոստովանեք, որ դուք էլ եք փորձել հասկանալ, թե ում հետ գործ ունեք, երբ ստուգել եք նրանց Facebook-ի կամ Instagram-ի էջերը: Այնպես որ, ստեղծեք աչքի ընկնող էջեր սոցցանցերում և ներգրավեք նաև նոր հետևորդների: Իսկ դուք կհետևեք նրանց քայլերին վերլուծական գործիքների միջոցով ու կպարզեք ձեր թիրախային լսարանի առանձնահատկությունները:
Մեջբերումներ
Մեջբերումներ էլեմենտը հրաշալի է հատկապես փորձառու կազմակերպիչների համար, ովքեր գիտեն, թե որքան մեծ է այլ մարդկանց արձագանքների ազդեցությունը: Այս էլեմենտի օգնությամբ կարող եք առանձնացնել մեջբերումներ գործընկերների կամ մասնակիցների դրական արձագանքներից: Ձեր նկատմամբ վստահությունը կարևոր գործոն է, համաձայն չե՞ք: Այնպես որ, դարձրեք այս հատվածը տեսանելի նոր հյուրերի համար և առանձնացրեք իսկապես արժեքավոր կարծիքները:
Դե ինչ, հուսով ենք՝ ստացվեց մի փոքր ներկայացնել օնլայն հրավիրատոմսերի պարզ ու թրենդային կառուցվածքը: Չմոռանաք, որ այս գործում պետք են մի քանի կարևոր հմտություններ, իսկ մյուս հարցերում ձեզ կօգնի Ucraft-ը: